चहाच्या टपरीपासून पाच शाखांपर्यंत — चवीचा वारसा

आमच्याविषयी

केवळ खाद्यसंस्था नाही —
एक प्रेरणादायी यशोगाथा

हॉटेल दुर्गामाता आपटी ही केवळ एक खाद्यसंस्था नसून, गुणवत्तेवर, चवीवर आणि ग्राहकांच्या विश्वासावर उभी राहिलेली एक प्रेरणादायी यशोगाथा आहे.

सन २००४ मध्ये एका छोट्याशा चहाच्या टपरीपासून या प्रवासाची सुरुवात झाली. सुरुवातीला चहा, वडापाव, भजी, पोहे आणि मिसळ यांसारख्या नाश्त्याच्या पदार्थांनी ग्राहकांची मने जिंकली. महाड–पुणे मार्गावरील प्रवाशांच्या वाढत्या प्रतिसादामुळे आमची ओळख एका विश्वासार्ह नाश्ता केंद्र म्हणून निर्माण झाली.

आमच्या खास मसाल्यांची आणि घरगुती चवीची लोकप्रियता वाढत गेली आणि त्यातून चिकन-मटण बनवून देण्याची सेवा सुरू झाली. ग्राहकांच्या आग्रहास्तव पुढे थाळी पद्धतीने जेवणाची सेवा सुरू करण्यात आली. त्या काळात पंजाबी खाद्यसंस्कृतीची मोठी लाट असतानाही आम्ही आमची पारंपरिक मटण-भाकरी आणि घरगुती चव कायम ठेवली.

गुणवत्तेवरील विश्वास, प्रामाणिकपणा आणि सातत्यपूर्ण मेहनतीमुळे आज हॉटेल दुर्गामाता आपटी हे नाव महाराष्ट्रभर प्रसिद्ध झाले आहे. एका शाखेपासून सुरू झालेला हा प्रवास आज पाच यशस्वी शाखांपर्यंत पोहोचला आहे.

आजही आम्ही प्रत्येक ग्राहकाला घरगुती चव, उत्कृष्ट सेवा आणि अविस्मरणीय खाद्यअनुभव देण्यास कटिबद्ध आहोत.